美國著名漢堡品牌 Shake Shack 現已登陸 Pacific Place 太古廣場！新店將於 11 月 21 號正式開業。
今日多得親友邀請，有幸黎到 Family & Friends Private Event。呢度啲漢堡由 $38 起，嗌左個 SmokeShack 單層 $62 雙層 $84，用上 100% 天然安格斯牛肉，無添加激素及抗生素，食得健康；加埋經過蘋果木煙燻過嘅煙肉、櫻桃辣椒、芝士，極度豐富，咬落牛肉味極濃，啖啖滲出牛油脂香，煙肉亦夠香脆，只係略嫌個包太過油淋淋左啲，不過都好鬆軟。整體認真好好味！
至於薯條質感就爭啲，可能今日多人啦，太過淋身，浸住芝士醬嘅仲爛埋，芝士味唔出，只係覺得好漏。飲品方面真係好想嗌 Shake 但偏偏到我前兩個就話賣晒…有香港店限定嘅 Milk tea Shakes 同充滿節日氣氛嘅薄荷朱古力曲奇果仁 Holiday Shakes 都好吸引，唯有下次再試。轉左杯自家製 Lemonade 都有驚喜！入口係新鮮檸檬汁嘅味道，酸甜度剛剛好又唔澀口，飲完仲覺得好滋潤添。
Search